Cammi 25歲牛一 開睡衣派對慶祝。(cbbheree @IG圖片)
擁有神級P圖技巧嘅前𡃁模Cammi(謝芷惠）本月迎來25歲生日。生日喎，對於現為網紅嘅Cammi嚟講，又點會理會政府呼籲市民少啲聚會，由pre birthday dinner到正式生日派對，Cammi呢個星期都過得好充實同開心。今年佢其中一個生日派對主題係睡衣，同一班閨密齊以黑色喱士睡衣、粉紅絲質睡袍上陣，只見Cammi同班閨密個個齊備長髮、大眼、長腿，壽星女Cammi同場加映事業線。她更發文表示：「生活明朗，萬物可愛，我按時長大。哈哈 願每一歲都能奔走在自己的熱愛里」
全班好姐妹都擁有一樣長度嘅腿。(cbbheree @IG圖片)
隨後Cammi又再上載一張同生日蛋糕嘅合照，並發文「感恩今年所有的遇見和竉愛，一切都在心中」對於Cammi所指嘅擁有，由佢IG Story 所見，生日禮物由LV、CHANEL、Hermès 手袋統統有，另外亦有Rene Caovilla高跟鞋。
